الرئيسية > ميديا وثقافة > مللي تلاقاه وهو متكي وحاط راسو على الطبلة.. دفاع الريسوني كشف طبيعة المشاكل الصحية اللي كيعاني منها
09/06/2021 21:00 ميديا وثقافة

مللي تلاقاه وهو متكي وحاط راسو على الطبلة.. دفاع الريسوني كشف طبيعة المشاكل الصحية اللي كيعاني منها

مللي تلاقاه وهو متكي وحاط راسو على الطبلة.. دفاع الريسوني كشف طبيعة المشاكل الصحية اللي كيعاني منها

عفراء علوي محمدي- كود//

أكد دفاع الصحافي المعتقل سليمان الريسوني، من بعد ما زالو اليوم فالحبس، ان حالتو الصحية ماشي تالهيه، بناء على فحوصات دارها لبارح.

الدفاع خبر مرات الريسوني، خلود مختاري، بشنو عند راجلها، وقال ليها أن الفحوصات أكدات أن عندو اختلال فمعدل “الكيرياتنين” بسبب طول مدة إضرابو عن الطعام، وهو مؤشر سلبي على اختلال وظائف الكلي.

وزاد طبيب المؤسسة السجنية، كيف ما نقلات المختاري على حسابها ف”فيسبوك”، نقلا عن دفاع الريسوني، أن بروفيسور معروف وصا الريسوني جراء هذشي بشرب الماء بزاف، حيت هذشي يقد يديرلو مشاكل فالكلي.

وكاين عن الريسوني كذلك اختلالات فمنسوب البوتاسيوم القائم دائما، واللي يقدر يأدي للسكتة القلبية، مع العلم أن سليمان فالأصل طيعاني من ضغط الدم المرتفع، كيف ذكر نفس المصدر.

وقالت المختاري ان سليمان كيواجه ضغوط من المؤسسة السجنية باش ياكل التمر، وهو كيرفض، بالرغم من إلحاحهم.

وخسر الريسوني 32 كيلو، 5 منها غير فالحراسة النظرية، والريسوني دابا تجاوز 60 يوم ديال الإضراب عن الطعام، ومنين قابل الدفاع ديالو اليوم وهو متكي وحاط راسو على الطبلة من كثرة العيا.

https://m.facebook.com/story.php?story_fbid=961465234655029&id=100023746840914

موضوعات أخرى

16/06/2021 11:00

وزيرة خارجية الصبليون ولات طالبة السلة بلا عنب: مغادي نقول حتا حاجة للتشكيك في إرادة استئناف العلاقة مع المغرب واذا تلاقيت مع بوريطة غادي نرد البال

16/06/2021 10:00

شوهة.. طيارة ديال “لارام” جاية من كازا وغادية للعيون خسرات ف مطار لاس بالماس والمسافرين كاعيين على الشركة – تصاور