كود – كازا ///

قالت تقارير إخبارية، إن محكمة بلجيكية أدانت، مؤخرا، ملك الهروب من الحباسات “أشرف السكاكي” بـ4 سنين ديال الحبس بسباب اتهامه بتسيير أعمال مافيا ف أنتويرب من داخل زنزانته ف الحبس ديال سلا.

وكيملك السكاكي سجل إجرامي ثقيل بالعديد من جرائم الخطف والسرقة والاقتحام. هرب أكثر من مرة من الحباسات البلجيكية. ف عام 2003، هرب بوحدو من سجن “تورنهاوت”، وعام 2009، هرب مع 2 محابسية  من سجن “بروغس” البلجيكي شديد الحراسة بواسطة طائرة هليكوبتر.

واعتقل بعد هاد الحادثة بـ 3 السيمانات، مع صحابو ف المغرب، وصدر ف حقو حكم بالسجن 12 عام، وهي العقوبة اللي كيقضيها ف سجن سلا. وف 2017، توجهات ليه اتهامات تزعم ريزو ديال غسيل الأموال والاحتيال وتهريب الأسلحة والمخدرات ف بلجيكا.

https://m.gva.be/cnt/dmf20240103_94198414