كود الجديدة//

مدينة الجديدة كتوجد باش تحتضن واحد الحدث مميز من نوعو، مهرجان الكرعة الأول، من تنظيم مؤسسة مزگان للثقافة والإعلام، وغادي يتدار من 21 حتى لـ23 نونبر 2025.

هاد المهرجان موعد كيجمع بين الأناقة، والطبيعة، والوعي البيئي، تحت شعار:”الكرعة الدكالية: إرث فلاحي وذاكرة غدائية”.

وفهاد الإطار، المؤسسة قررات تطلق مسابقة ملكة جمال مهرجان الكرعة، باش يكرمو المرأة الدكالية اللي هي حارسة الإرث ومبدعة المستقبل، ورمز للجمال الحقيقي اللي متجذر فالصدق، والثقافة، واحترام الطبيعة.

ومن خلال هاد المهرجان، كتحتافل مؤسسة مازگان بالمرا الدكالية اللي كتمثل الحياة، والإبداع، والتواصل، فواحد المنطقة اللي كاتربطها الأرض بالتراث وبالحياة.