كود الرباط//
بمجرد ما تجبد ملف المحروقات والتضريب على الأرباح ديالها فمناقشة التعديلات المقترحة في مشروع ميزانية 2024، مساء الجمعة الماضي، ناض البوليميك بين البي جي دي والأغلبية، غير هاد المرة كان البام هو اللي دافع على شركات المحروقات ضد البي جي دي.
بعدما خدا عبد الله بوانو، رئيس مجموعة العدالة والتنمية، الكلمة في أكثر مناسبة وحتى واحد ماوقفو ولا حبسو، طالب حل مع شركات المحروقات واتهمها بلي راكمت الأرباح بزاف مهددا باللجوء إلى المطالبة بالتحكيم الملكي.
لكن فاش شد برلماني من الأغلبية الكلمة، لحسن السعدي من الأحرار واللي قال بلي “هاد الموضوع وقتما تجبد كيكون طرف كيقلب ديما على الاستثمار والاستغلال السياسوي لملف المحروقات، مؤكدا بلي ما قالته وزيرة الانتقال الطاقي في الموضوع هو عين الحقيقة، ناض بوانو وكيغوت وقاليه هادشي ميمكنش يدوز.
بوانو خاطب السعدي: “هذا يخرج على برا، راك مخلص وميمكنش تكلم” هادشي خلا رئيس لجنة المالية يوقف بوانو للي اعتذر على كلمة “راك مخلص”.