سامي العلوي -كود كازا //

توصلات “گود” بتصاور دايرا في واتساب ما بين الطلبة كيشكرو فيها القضاء على الاحكام ديالو في ملف “الجنس مقابل النقط” وكيعبرو على شوية ديال الخوف من منسق ماستر المالية المشدود بسبب الفساد لي فيه، وكيقولو بلي القضاء خصو يزيد يبحث على هاد الشخص لي عارفو الكبير والصغير اش كيسوا.

“گود” اطلعات على نسخة من الحكم لي تصدر نهار الاثنين وشاف بلي المدعو ” م .ب ” مخاذش البراءة كيف كيسوق ليها بل غير التقادم لي صوڤاه ومنع القاضي باش ميحكمش عليه بالحبس بسبب هاديك الافعال الجرمية لي دارها في 2016 واستفادو منها ذوك جوج خواتات لي راهم ليوما مسجلات في الدكتوراه .

النقاش ديال التقادم مهم جدا لانه ميمكنش للمجلس التأديبي يرجع هاد الاستاذ المتهم في قضايا تحرش، لانه كيشكل خطر نفسي على الطالبات لي كلهم كيعرفوه اش كيسوا.

في الحقيقة خاص قانون المسطرة الجنائية يتعاود في النقاش في هاد الشي ديال التقادم بناء على النازلة ديال سطات .