كود سبور//

ما حضرتش المغنية لطيفة رأفت لجلسة محاكمة ملف ما يعرف بـ”إسكوبار الصحرا”، باش تدلي بأقوالها فهاد القضية المتابع فيها سعيد الناصيري الرئيس الأسبق للوداد الرياضي والقيادة السابق بحزب الأصالة والمعاصرة، وعبد النبي بعيوي الرئيس السابق لجهة الشرق.

وخلال جلسة اليوم الخميس 10 يوليوز، فهيئة المحكمة بغرفة الجنايات الإبتدائية لدى محكمة الاستئناف بالدرالبيضاء، عيطت على اسم لطيفة رأفت فقاعة المحكمة، ولكن ما جاتش بسبب تعذر التطبيق لكون العنوان ناقص.

وبالمقابل حضر البرلماني عبد الواحد شوقي اللي حتى هو استدعاتو المحكمة، وهو من ضمن 4 شهود عيطت لهم المحكمة،وأعلبهم ما حضروش لأسباب مختلفة.

وخلال مداخلة له عبر دفاع سعيد الناصيري على التشبث ديالو باستدعاء لطيفة رأفت، وطلب من المحكمة استدعاءها فالعنوان اللي كاين فالمحاضر ديال الضابطة للقضائية.