كود كازا////

علمت “كود” ان ملايري من كبار لملايرية فكازا تشرفات ليه فحدود 500 مليون سنتيم هادي شي 3 ايام بوحدة من ڤيلاتو فحي سيال الكازاوي. الفيلا ما بعيداش بزاف على المارشي المشهور فهاداك الحي

حسب مصادر “كود” فشي شفارة دخلو وما عاقش بيهم العساس ديال الڤيلا. هادو غيكونو عارفين بالي اللعاقا كاينة وايسبيس.

الغريب هو ان هاد لملايري المعروف عليه ماشي ولد خيمة كبيرة فالكرم، ما قدرش يمشي يبلغ على الشفرة عند البوليس. خاف ايلى يجيوه صحاب الضرائب يسولوه على منين جاب ليسبيس. فضل تشفر ليه نص مليار على شوهتو مع الضرائب. يمكن عندو ملاير اخرى فبلايص اخرى.

باش تحط هاد المبلغ فدارك وتكون ديما تقدم راسك راك مساهم فالاقتصاد الوطني هادا هو النقاق. لملايري اللي كان تجبد ولدو فقضية خايبة خارج كازا هادي قل من عام، ماشي من صحاب درب عمر اللي ديما عندهم ليسبيس، اللا، عندو استثمارات فقطاعات من المفروض تعاملهم غير فالابناك ومساهم فشركات كثيرة فالبورصة او خارجها