كود طنجة ///

علمت “كود” ان شي ملايرية فيهم اللي بسرعة ولى هادا٬ ولاو هاد ليام كيقلبو باش يجيبو گاردكورات يحميهم. علاش؟ حقاش شي وحدين تعرضو لگريساج.

وفق مصدر “كود” فشي حد منهم من مكناس كان فمراكش مع مراتو وبغاو شي براهش يشفرو ليها الصاك وشدات فيه وطاحت وطاح حتى هو. هاد الشي يوضح مصدر “كود” طروماطيزاه وخلاه يولي خايف بزاف يخرج للزنقة. هادي كتوقع.

غير هو بغى يجيب گاردكور اييه بغى صحاب النظاظر. دابا واش هادا ضربو حمار الليل. بالمگرد يماه ما كان ما يكساب ما يعلام وتشارك مع شي وحدين من الرباط من الفوق ودور الناعورة نسى كلشي. هادا ما باغيش شي حد يكون معاه. اللا باغي حارس شخصي. بقى غير يطلبو مسلح

اييه كاين مشكل. اييه شي وحدين باش كيتگريساو كيتصدمو ولكن حتى يجيبو حارس هادي راها فشي شكل.

هاد الظاهرة الى ولات غادية تكون فشي شكل. هاداك اللي تگريسا راه اكيد وبالطريقة اللي ولى بيها ملياردير بسرعة كبيرة٬ شفر هادك اللي شفرو. شفر الضرائب ولا دور باش ياخد المارشيات ،….