كود – كازا////

علمت “كود” باللي قدام قاضي التحقيق فقضية ملايرية النيك، قالت قبل لفطور اليوم الجمعة 7 مارس 2025 سيكستين، المحامية الفرنسية باللي ما اغتصبها حد، وأضافت حسب مصادر “كود” باللي كتسحب شكايتها.

واضافت، حسب مصادر “كود” باللي هي دارت فاللول شكاية ضد بنيس ولد لملايري مول “لابروفان” ففرانسا وما جبداتش لا ولد لعلج لا ولد السلاوي وباللي خطيبها امين نگيب وباه هما اللي قالو ليها باللي تعرضات للاغتصاب وباللي هادوك الجوج ما خلاوش امين يدخل للبيت.

وكانت هاد المحامية المتدربة قد وضعت شكاية من فرنسا ضد أبناء هاد الشخصيات البارزة فمجال الأعمال، ومن بينهم محمد لعلج ولد رئيس الباطرونا، ودبا مزالين مشدودين فالوقت اللي وقع تطور جديد فهاد الملف يقدر يقلب البحث من جديد.

دبا يلا تبين أن هادشي كذوب وملفق راه خاص تحريك المتابعة فحق المحامية من أجل حرائم عندها علاقة بالوشاية الكاذبة وإهانة الضابطة القضائية، وغيرها من التهم لي يقدرو يدخلوها هي للحبس.