الرئيسية > الزين والحداكة > ملامح عقداتها فصغرها ولكن وصلاتها اليوم للعالمية.. المغربية تيليلا أولحاج ولات هي الوجه الإعلاني ديال “ايف سان لوران” -فيديو وتصاور
16/01/2020 23:00 الزين والحداكة

ملامح عقداتها فصغرها ولكن وصلاتها اليوم للعالمية.. المغربية تيليلا أولحاج ولات هي الوجه الإعلاني ديال “ايف سان لوران” -فيديو وتصاور

ملامح عقداتها فصغرها ولكن وصلاتها اليوم للعالمية.. المغربية تيليلا أولحاج ولات هي الوجه الإعلاني ديال “ايف سان لوران” -فيديو وتصاور

نجوى المالحي-كود//

المغربية تيليلا أولحاج بنت مدينة ورزازات لي عندها نقط كحلين في وجهها وكانو معقدينها في صغرها ولات هي الوجه الاعلاني ديال الماركة العالمية “إيف سان لوران”.

تيليلا لي اختارت ماتبقاش تخبي ملامحها الاستثنائية قدرات تلفت انتباه الماركات العالمية لي جاو للمغرب خصيصا على قبلها باش يتعاملو معاها.

وخضعات تيليلا لجلسة تصوير في مراكش ودارت الاشهار للماكياج الخاص بالعلامة العالمية، وصور المغرب خرجو في حساب “YSL” على انستگرام لي عندهم فيه كثر من 7 مليون متابع.

جلسة التصوير كانت في ساحة جامع الفنا والمصور ركز على جمال تيليلا المختلف ولي بالمناسبة ولاو ناس كيحاولو يديرو بحالو ويصبغو النمش في وجههم.

موضوعات أخرى

22/02/2020 20:30

المحمدية من مدينة ديال الورد لمدينة تحتل شوارعها الكلاب.. السلطات باغيين حل وخايفين يتكرر سيناريو الكلاب المسعورة ديال الحسيمة وانزكان وكلميم