كود سبور//

قدم مصطفى الملوكي عضو المكتب المديري للوداد الرياضي الاستقالة ديالو من المكتب ديال عبد المجيد البرناكي.

مصطفى الملوكي المسؤول على تسيير محل التونيات اللي فتيران بنجلون مقر الوداد الرياضي، واللي توجهت انتقادات كثيرة خلال السنوات الماضية على انه محتاكر اللوگو ديال الوداد بدون ما يستفيد الفريق من هذا الشي، حط الاستقالة ديالو اليوم الجمعة من المكتب المديري لنادي الوداد الرياضي برئاسة عبد المجيد البرناكي.

وداخلين الوداد الرياضي على مرحلة جديدة ابتداء من الجمع العام الجاي، اللي غايكون فيه انتخاب رئيس جديد للإشراف على تسيير النادي، ودابا منافسين 5 المرشحين للرئاسة أبرزه هشام ايت منا.