وكالات//

كشفت بيانات من مكتب السجون الفيدرالي فمريكان أن مغني الراب والمنتج الموسيقي شون “ديدي” كومبس غادي يخرج من الحبس نهار 8 ماي 2028، يعني بقات ليه تقريباً 30 شهر، بعدما داز شوية من العقوبة ديالو اللي كانت 50 شهر، واللي تحكمات عليه بها مؤخراً.

القاضي الفيدرالي أرون سوبرامانيان هو اللي حكم على مؤسس شركة “باد بوي ريكوردز” المشهورة، من بعدما تحكم عليه فالتهم ديال نقل الناس باش يمارسو الدعارة، ولكن تبرّا من التهم الخطيرة بحال الاتجار فالبشر والابتزاز، اللي لو كان تحكم عليه فيها كان يقدر ياخد المؤبد.

التقارير قالت باللي تاريخ الخروج ديالو ممكن يتبدّل من بعد، ولكن التاريخ اللي كاين دابا كيبين أنه ممكن ينقصو ليه من العقوبة حيت كيتصرف مزيان فالحبس.

منين تشد فشهر شتنبر 2024، كومبس كاين فمركز الاحتجاز ديال بروكلين – نيويورك، ولكن ممكن ينقلوه لمكان آخر فالشهور الجاية.