كود سبور//

حدد المكتب المديري للوداد الرياضي موعد آخر أجل للأشخاص اللي تقبلو فالانخراط فالنادي، باش يحطو الوثائق المطلوبة ديال الانخراط ويخلصو واجب الانخراط.

وعطى المكتب المديري للوداد برئاسة عبد المجيد البرناكي مهلة للوداديات والوداديين اللي توصلو بقبول انخراطهم فالنادي، (عطاهم) مهلة حتى للجمعة الجاي، لاستكمال وضع الوثائق المطلوبة كاملة وأداء واجب الانخراط.

وكان عبد المجيد البرناكي خلال الجمع الأخير للوداد الرياضي فتح باب الانخراط فالوداد الرياضي مقابل 10 ألاف درهم، وهذا الشي مكن عدد من الوداديين من وضع طلبات الترشح اللي وصلت لاكثر من 400 طلب فسابقة بالنادي.