الرئيسية > آراء > مكاينش معمل سري في المغرب واخا يكون ديال الكوكايين كاين قطاع ديال النسيج سري مخدم الناس في ظروف ديل القنانة والدولة كتشوف وساكتة حيت موفر الألاف ديال فرص الشغل هنيها من صداعهم
09/02/2021 10:00 آراء

مكاينش معمل سري في المغرب واخا يكون ديال الكوكايين كاين قطاع ديال النسيج سري مخدم الناس في ظروف ديل القنانة والدولة كتشوف وساكتة حيت موفر الألاف ديال فرص الشغل هنيها من صداعهم

مكاينش معمل سري في المغرب واخا يكون ديال الكوكايين كاين قطاع ديال النسيج سري مخدم الناس في ظروف ديل القنانة والدولة كتشوف وساكتة حيت موفر الألاف ديال فرص الشغل هنيها من صداعهم

محمد سقراط-كود///

طنجة عامرة معامل صغيرة جاو وسط أحياء سكنية، وهادشي لي بداو معامل الخياطة فيها، وهادي ن بين أكثر الخدامي الكثار لي كاينين في طنجة ولي خلاها دينة مروجة ومستقبلة للهجرة، وأغلب السلعة لي كتباع في الأسواق الغربية ومصنوعة في الغرب راه خارجة من معامل بحال هادو سواء في طنجة أو في كازا، لاكابات ديال العمارات والديور والفيلات، محشورين فيهم بين عشرين ومية ديال العمال وبعد المرات كثر، والسوق محرك والناس خدامة ومرقعين الحالة شوية، ولكن على حساب العمال وظروف العمل والأمور كانت غادا بيخير الدولة عارفة والناس عارفين وكولشي ميك وقاديين غاراض، حيت راه هذا ماشي معمل واحد ولا جوج خدامين سيريين، هذا راه قطاع قد الخلا خدام كلو بلا وراق بلا واجبات، على ديك السلعة لي في القريعة ودرب السلطان ودوك الخزيان لي كيفرقو على المغرب كامل وإفريقيا راه داك السلعة كلها إلا نادرا مخيطة ومصنوعة في معامل بحال هادو لي في آخر لحظة سماتهم الدولة سريين.

معمل سري ديال الكوكايين وصعيب تديرو بلا خبار السلطة في المغرب، بنت الى كانت كتقاد الشعر للعيالات في دارها وكيجيو عندها غير خمسة ديال الكليانات في النهار راه كولشي كيعرفها كوافورة، مكاينش ومستحيل يكون معمل سري في المغرب فيه كثر من تلاتين ماكينة ، آشنو لي سري وماشفتوش السلطة في هاد المعمل واش دوك العشرات ديال العمال لي داخلين في الصباح وخارجين بالعشية، واش ماشافتهومش وهوما خارجين يتغداو حدا المعمل، والسلعة لهاد المعمل زعمة كانت كتدخل في البرويطات، راه كيجي الرموك يحط السلعة ورموك يهزها، راه أغلب الحوانت والفراشات كيبيعو غير سلعة هاد المعامل الواليد ديالي نيت هادشي لي كيبيع.

الكارثة ديال ليوم ماغاديش تنسى دغية حنا ماشي في عام الجراد باش يموتو الناس غرقا بسباب نص ساعة ديال الشتا، كاينة مسؤولية بشرية تما وخاص طبعا يتحاسب المسؤول من غير المقدم والقايد لي كولشي كيطالب برأسهم دابا، راه طنجة عامرة عامل من هاد النوع، وأصلا راه هذا هو الشكل ديال العمل المتفق عليه لصنع منتوج محلي يقدر ينافس سلعة الشينوا، لاكاب ديال عمارة وشارجيه ماكينات وعمال والفلوس لي غادي تخسرها في الرخص ووسائل الحماية ن الكوارث خسر غير ربعهم في الرشاوي وهانتا نقصتي عليك بزاف، كون كان داك المعمل بوحدو لي خدام بداك الطريقة نقولو عليه سري ولكن هذا راه قطاع كلو خدام هاكاك قاع كلو سري ولكن كتشوفو الدولة وكتستافد منو وهازليها الألاف من اليد العاملة مهنيها منهم، دابا الى كاين شي تارجليت ديال بصح هو يتهيكل هاد القطاع ماشي بعرام ديال الرخص والإجرائات الإدارية والضرائب داك الساعة كولشي غادي يسد، بل خاص تسهيلات فالوثائق واللإجرائات والضرائب باش يقدر القطاع ينافس ويخرج للعلن مايبقاش سري ويتم تجنب بحال هاد الكوارث لي كانو كيوقعو غير بانكلاديش والدول لي بحالها خدامين فيها الناس في ظروف مزرية دابا وللى يوقع حتى في المغرب.

موضوعات أخرى

08/03/2021 22:00

فمقابلة تاريخية للامير هاري ومراتو مع اوبرا وينفري.. اتاهمو العائلة الملكية بالعنصرية والكذوب.. ميگان ماركل : كانو كيسولو على لون ارتشي ومابغاوش يعطيوه لقب امير وفكرت نتاحر

08/03/2021 21:00

8 مارس. عيالات كَادات: گود جابت أبرز 16 نساء بينو على قوة المرا وكفاءتها فمجالات مختلفة.. فالحكومة والسياسة والذكاء الاصطناعي والسبور والفن ومجال المال والأعمال – الجزء الثاني