وكالات//

بارطاجاو بزاف ديال الناس فيديو كيبين الوجه واللحظة لي دخل فيها واحد السيد للدار ديال النجم الهندي العروف سيف علي خان راجل الممثلة المعروفة كارين كابور.

وكيبان في الفيديو اللحظة لي نزل فيها هاد السيد من الدروج ديال الدار والمثير في الامر انه مكنش داير حتى شي ماسك على وجهو.

وتعرّض نجم بوليوود سيف علي خان، لإصابة خطيرة بزاف بعدما اقتحام واحد الراجل مجهول الدار ديال العائلة ديالو لي كاينة في مدينة بومباي فجر الخميس، وضربو بالجنوي فبزاف ديال البلايص في الجسد ديالو.

سيف خان، 54 عام، كان مع مراتو  كارينا كابور خان، 44 عام، وجوج ديال ولادو هوما تيمور، 7 سنين، ووجيه، 3 سنين، لي خرجو منها سالمين.

البوليس ديال بومباي قالو في بيان ان المهاجم اقتاحم دار خان وهاجم الخادمة ديالو وفين حاول خان يتدخل باش يهدؤو ضربو 6 ديال المرات بالموس في بلايص حساسة في العمود الفقري والرقبة.

وهزو خان لسبيطار ليلاواتي بش ياخد العلاج، ودار عملية جراحية حينت تصاب بجروح غارقة، وقالو  الأطباء في السبيطار  أن حالة الممثل مستقرة دابا بعد العملية.