وكالات //

قدم المغني الميريكاني كيني ويست، راجل كيم كارداشيان سابقا، الاعتذار ديالو لليهود، بسبب شي تصريحات ديالو  كان قالها عليهم هادي عام.

هاد التصريحات كانت دارت ليه مشاكل من شحال هادي، وتسببات ليه ففسخ بزاف د العقود لي كان كيدخل منها الصرف الصحيح، آخرها شركة “أديداس”.

وقال كيني ويست في واحد البوست دارو ف إنستغرام: “أنا نادم بزاف على هاد التصريحات.. مكانش القصد ديالي.. وهادي غادي تعلمني مستقبلا…”

العام لي فات كان قال كيني ويست ف شي تصريحات “أنا كنعاني من ثنائي القطب” وهو التصريح لي اعتابروه كيسخر من ليهود.

ومن بعد قاليهم: “خاصنا نوقفو نسبو هيتلر ديما، أنا عزيز عليا النازيين”، وهي التصريحات لي اعتابروها معادية للسامية.