الوالي الزاز -كود- العيون///

[email protected]

تداول رواد منصات التواصل الاجتماعي “فيسبوك” فالعيون صورا تُظهر الحالة الكارثية لمقر شركة الخطوط الملكية المغربية وسط مدينة العيون.

وأظهرت الصور الحالة المهترئة  ديال مقر شركة الخطوط الملكية المغربية، وظروف العمل بالنسبة للموظفين وظروف الاستقبال السيئة للمواطنين والزبائن ديال الشركة الوحيدة على مستوى جهة العيون الساقية الحمراء.

وعلى حساب التصاور اللي دايرين كيبان المقر ديال “لارام” فحالة جد سيئة من خلال كراسي مرقعة وجدران أتت عليها الرطوبة وأسلاك مصابيح ظاهرة للعيان، الشي اللي كيعطي صورة سلبية أولا على الشركة وثانيا حتى على مدينة العيون اللي أصبحت وجهة سياحية داخلية وخارجية بامتياز.

هاد الحالة اللي وصل ليه مقر “لارام” فالعيون راه غير مقبولة، علما بأنها شركة عندها وزنها فالسوق وتحتكر الرحلات الجوية فجهة العيون على الرغم من خدماتها اللي عليها ملاحظات، وخاص شي تدخل باش تواكب الشركة التطور ديال مدينة العيون الواجهة الرئيسية ديال الصحرا.

الشركة خاصها توفر للموظفين ظروف عمل ملائمة باش يعطيو أكثر، وكذلك ظروف استقبال مريحة للمواطنين والزبائن باش يرتاحوا فالمقر، وعلى الأقل تكون تجهيزات فالمستوى اللي تعطي صورة إيجابية على الشركة.