الرئيسية > تبركيك > مقرقب هجم على اوطيل “راديسون” فتاغازوت. رسل جوج ب24 غرزة والادارة ضربات الطم
27/06/2022 09:00 تبركيك

مقرقب هجم على اوطيل “راديسون” فتاغازوت. رسل جوج ب24 غرزة والادارة ضربات الطم

مقرقب هجم على اوطيل “راديسون” فتاغازوت. رسل جوج ب24 غرزة والادارة ضربات الطم

كود كازا //

علمت “كود” ان مقرقب مزيان دار الرعب فاوطيل ” راديسون” بتاغازوت باكادير الجمعة 24 يونيو 2022. هاد لوطيل كان فيه مهرجان للرقص “افرو لاتينو دانس”.

الفيلم وقع٬ حسب احد زبناؤو ل”كود”٬ الثلاثة الصباح. “كنا فقاعة فلوطيل حاجزها المهرجان. وحدة من المشاركات شافت مقرقب جاي عندنا. ما شافش الجاجة دخل فيها وطلع ليه الدم وبدا يهرس فيها بيد الموس”.

حسب مصدر “كود”٬ ما عارفينش بالضبط كيفاش دخل. وكيفاش حتى حد ما شافو. يمكن دخل من حدا لبحر لان القاعة اللي كنا فيها قريبة من دخلة لبحر”.

المهم باش قرب منو لكويزينيي ضربو لوجهو ورسلو ب18 غرزة. كان هادا هو الضحية اللولى. جا قرب منو الثاني وخلا ليه 8 الغرزات. هاد المقرقب جاه ثالث صحيح عاد طيحو وجاو ناس خراين شللو حركتو. ديك اللحظة بدا يسب ويغوت بحال ارهابي. حسب مصدر “كود”.

تم تسليمو للجدارمية.

هاد الشي خلع للي نازلين فلوطيل اللي تصدمو باش شافو “راديسون” ما هامو الا صورتو “ما قدم لينا لا اعتذار لا تسوق لينا” تقول احدى الزبونات ل”كود”.

لوطيل كان فيه خلل كبير فالامن وراه مسؤول على اللي وقع وخاص الضحايا يتابعوه.

موضوعات أخرى

15/08/2022 09:00

الدولة كتعطي للصحافة الدعم ولخبار لصحابهم ف”جون افريك”. كيفاش سربو ليهم التعديل الحكومي وبالاسم وقبل خبار مرض ام الملك. هاداك الدعم زيدوه فيكم ايلى كنتو ما تايقين فصحفكم

15/08/2022 08:00

“كود” قالت ليكم مافيدوش. وفينك يا بوريطة يا مول لمقص. علاش باش فرانسا كتهين لمغاربة سرطي لسانك وباش كولومبيا عتارفات بالبوليساريو ضربتي الطم

15/08/2022 07:00

تقرير للباروميتر العربي بجامعة “برينستون” الأمريكية : 34 ف المائة من المغاربة باغيين يخويو البلاد والأغلبية لأسباب اقتصادية