الرئيسية > آش واقع > مقرب من مولاي حفيظ العلمي لـ”كود” ما عمرو قال لليابانيين خاصهم يفيقو بكري والمغربي خاصو يفتاخر براسو ويهز راسو للفوق وها للي وقع
17/11/2019 09:30 آش واقع

مقرب من مولاي حفيظ العلمي لـ”كود” ما عمرو قال لليابانيين خاصهم يفيقو بكري والمغربي خاصو يفتاخر براسو ويهز راسو للفوق وها للي وقع

مقرب من مولاي حفيظ العلمي لـ”كود” ما عمرو قال لليابانيين خاصهم يفيقو بكري والمغربي خاصو يفتاخر براسو ويهز راسو للفوق وها للي وقع

كود كازا ///

واش بصاح وزير الصناعة والاستثمار والتجارة والاقتصاد الرقمي قال لياياني صاحب شركة عملاقة فالسيارات فالعالم “خاصكم تفيقو بكري لان العالم كيتغير”؟

وفق احد مساعدي الوزير ل”كود” فان هاد العبارة ما قالهاش. المصدر قال ل”كود” انه التقى بصاحب شركة سيارات عملاقة في اليابان باش يجيو يستثمرو فالمغرب٬ وهدر معاه على التحولات اللي كيعرفها النقل وهاد الشي غادي يؤثر على قطاع السيارات وضرب نموذج ب”ليدرون” اللي ولاو وسيلة نقل لشرطة دبي وشركة “اير باص” الاوربية غادية تصنع ردون كارگو.

المصدر نفسه نقل ان ما نسب اليه خلال لقاء للاقتصاد الرقمي ببوسكورة الاربعاء الاخير ماشي صحيح. المصدر نفسه اكد ل”كود” باللي عبارة انو قال لليابانيين خاصكم تفيقو بكري اللي نسبوها ليه ما عمرو نطقها ولا قالها.

المصدر نفسه قال ل”كود” ان المغربي ما خاصوش يحس براسو ضعيف قدام شي حد فالعالم وانو باش كيكون الوزير كيبيع المغرب باش يجلب ليه استثمار شركات كبيرة عالمية راه خاص الثقة بالنفس والثقة فالبلاد والثقة فالمغربي

الخبر اللي مزيان فهاد القضية وفق مصدر “كود” ان اليابانيين غاديين يجيو يستثمرو فالمغرب فقطاع السيارات.

موضوعات أخرى

14/12/2019 13:30

ماكرون جاي للمغرب بداية العام الجاي.. الرئيس الفرنسي باغي يقنع الرباط باختيار “مجموعة الستوم” باش تتكلف بالشطر الثاني من التي جي في