الرئيسية > ميديا وثقافة > مقرب من الريسوني لـ”كود”: المروري ما عمرو كان محامي لسليمان وحتى حد فالعائلة ما كلفو. هاد المحامي دار ضربني وبكى وسبقني وشكى: وا النيابة العامة راهم كيهددوني
25/05/2020 09:00 ميديا وثقافة

مقرب من الريسوني لـ”كود”: المروري ما عمرو كان محامي لسليمان وحتى حد فالعائلة ما كلفو. هاد المحامي دار ضربني وبكى وسبقني وشكى: وا النيابة العامة راهم كيهددوني

مقرب من الريسوني لـ”كود”: المروري ما عمرو كان محامي لسليمان وحتى حد فالعائلة ما كلفو. هاد المحامي دار ضربني وبكى وسبقني وشكى: وا النيابة العامة راهم كيهددوني

سعيد الشاوي كود كازا ///

قال مقرب من سليمان رئيس تحرير “اخبار اليوم” المعتقل واللي غادي يتقدم اليوم ونعرفو اش من تهم موجهة ليه٬ ل”كود”٬ باللي حتي حد ما كلف عبد المولى المروري يكون محامي ديالو. هاد المحامي اللي من حزب العدالة والتنمية ونائب رئيس جمعية “الكرامة” لحقوق الانسان٬ وفق مصدر “كود” هو اللي خدا المبادرة واتصل بالعائلة باش كتب باللي تخابر مع نائب الوكيل العام.

واكد مصدر “كود” انه لم يتم بعد الحسم فمحامي الصحافي وان هنا اتصالات فهاد الاتجاه. وشدد ل”كود” باللي اليوم باش يتقدم سليمان ما غاديش يحضر كاع.

المحامي كان اكد انو مكلف بالقضية “هذه التدوينة لا علاقة لها بكوني محاميا للصحفي سليمان الريسوني، لأني كتبتها يوم الجمعة، أي قبل تكليفي الذي كان يوم السبت، وبالتالي هو ربط يستهدف التشويش والتضليل”.

اليوم غاديين نعرفو الجديد فالموضوع.

هاد المحامي كان دار تدوينة كلها عنصرية وحقد واقصاء باش كتب “” هل فعلا تم قبول شكاية شخص يتبجح بأنه “مثلي” ( يعني من قوم لوط ) يدعي فيها تعرضه لمحاولة اغتصاب؟ من أولى بالاعتقال؟ في أي بلد يقع هذا؟”عجيب أمر هؤلاء”عوض ما يعتارف ويسحبها ويعتاذر بقى زايد فيها ويبارطاجي تضامن متطرفين بحالو معاه. هاد المحامي خطر علي المحاماة ماشي حقاش دار خطأ ولكن حقاش بقى شاد فيه.خرج فتدوينة ودار هاديك “ضربي وبكى وسبقني وشكى”. وكتب “أتعرض اليوم لحملة ممنهجة وشرسة، ويتضح أنها مؤطرة، من طرف أشخاص مجهولين، بسبب تدوينة استفهامية ومجردة، لا تحمل أي اسم أو بلد ولا تعني أي شخص”واش هادا بصاح محامي وكيدير السياسة. يعني على من كيضحك. كيفاش تدوينة استفهامية مجردة لا تحمل اسم اي بلد ولا تعني اي شخص. باش زاد قودها هاد المحامي اكد باللي هاد “خالية من أي تحريض أو دعوة إلى كراهية أو أي من الإشاعات التي روجت بسببها”

اييه عبارات “قوم لوط” و”من الاولى” بالاعتقال” و”في اي بلد يقع” و”عجيب امر هؤلاء” كلها عنصرية مقيتة ومنبوذة ولا تمت بصلة لمعجم محامي غدا ممكن يجي عندو مثلي يطلب يدافع عليه. ثم ان المعني بالتدوينة ما هددو ما والو. قال ليه فقط فاحترام لدولة الحق والقانون اللي دزتي فيه بسباطك “قررت ان اضع شكاية ضدا هذا الشخص” وفسر ذلك بان تدوينة المحامي تشكل تحريضا علي الكراهية والعنف ضدو”
المحامي المروري كان قال باللي حتى هو يحتفظ بحقو في سلوك جميع المساطر القانونية من أجل حماية نفسي من هذه الحملة المغرضة في مواجهة كل من أساء إلي بالسب والقذف والتهديد” ودعا “النيابة العامة إلى تحمل المسؤولية في فتح بحث عاجل في هذه الحملة وحمايتي من أي اعتداء مادي أو معنوي يستهدفني، والإساءة إلى سمعتي ومستقبلي المهني”

ودابا هادا واش كيفهم شي حاجة ولا والو. الريسوني محتاج لمحامي حرايفي. لمحامي فيدو ماشي اوموفوب ولا اقصائي بافكار رجعية. محامي كيفكر بحالو. محامي عضو فالعدالة والتنمية غادي يضر بيه. كتعارض مع اللي كيكتب عليه وكيدافع عليه.

موضوعات أخرى