أنس العمري -كود///

مقربلة الوقت على محلات “الصبا”. هاد الأيام مديورة حملة كبيرة على هاد الفضاءات ديال المساج، خاصة للي متدير هاد الحرفة كمظلة للتستر على أوكار دعارة مقنعة، لإبعاد أعين السلطات المحلية والأمنية عنها.

وشملات هاد الحملة مجموعة من المدن، وفي مقدمتها الدار البيضاء، حيث نفذت عمليات إيقاف استهدفت مدلكات ومالكين لمحلات تحترف هذا النشاط، والذين أحيلت ملفاتهم على القضاء للبت فيها، وفق ما تداولته مصادر مطلعة.

ووفق المصادر نفسها، فإن التحريات المنجزة بينت أن هاد الفضاءات مكانتش فقط كتوظف كأوكار للدعارة، بل وأيضا في ترويج المخدرات وأنشطة إجرامية أخرى، وهو ما جرى الوقوف عليه في التدخلات المنجزة.

ووضحات المصادر  ذاتها، أن هاد الحملات كتدار مللي كتكثر  الشكايات ديال الناس لساكنين قراب بزاف لهاد المحلات ديال “الصبا”.