كود – فاس///

علمت “كود” أن البوليس ففاس غادي يقدم صباح اليوم الجمعة، مفتش للتعليم الثانوي بالمديرية الإقليمية لوزارة التربية الوطنية بالمدينة، أمام وكيل الملك لدى المحكمة الابتدائية.

وحسب ما كشفت عنه مصادر، فإن الموقوف كان كيتحرش جنسيا بشي أستاذ ديال مادة الاجتماعيات وكان كيطلب منو يمارس معاه الجنس بدون رضاه، مشيرة إلى أن هاد التحرش كان من خلال عدد من الرسائل توصل بها الأستاذ عبر تقنية التراسل الفوري “واتساب”.

البوليس دار البحث ديالو، فضلا عن المواجهات والاستقراءات اللازمة، حيث كشفت مصادر “كود” باللي الأستاذ كشف أن المفتش كان باغي يدير علاقة جنسية معاه، فيما أكد المشتبه فيه الموقوف باللي بصح داك الميساجات ديالو لكن مكانش عارف معا من كيهضر.

دبا المفتش هبطاتو النيابة العامة للجيول، وغادي يتقدم صباح اليوم الجمعة، في انتظار ترتيب الآثار القانونية المناسبة في حقه.