سامي العلوي ـ گود كازا //
المفتشية ديال عبد اللطيف الميراوي وزير التعليم العالي والبحث العلمي والابتكار اللي كيترأسها عبد الفتاح ولد النعناع سكنات فكلية العلوم القانونية والاقتصادية والاجتماعية ديال المحمدية التابعة لجامعة الحسن الثاني فكازا.
وعلى حسب ما أكداتو المصادر الخاصة ديال “گود” فراه المفتشية هادي 15 يوم وهي جالسة فهاد الكلية للتدقيق في ملفات عدة، منها المتعلقة بالتعيينات والفلوس ديال التكوين المستمر.
وكالت المصادر نفسها لـ”كود” بللي المفتشية طلبات من العميد محمد شادي يوجد ليها بزاف ديال الوثائق اللي عندها علاقة بالملفات المذكورة، إضافة لفلوس ديال التكوين المستمر وهياكل مجالس المؤسسة والوراق ديال قانونية مركز الدكتوراه وزيد وزيد.
وكيجي هادشي بعدما سبق ودار تقرير مفصل على فترة ديال شي مسؤول، خصوصا فوقت الخوانجية لي هلكو الجامعات.
