الرئيسية > آش واقع > مفاوضات تشكيل الحكومة. اخنوش غا يبدا اليوم مع نبيل ويسالي مع نبيلة وبنعرفة ما جايش
15/09/2021 08:00 آش واقع

مفاوضات تشكيل الحكومة. اخنوش غا يبدا اليوم مع نبيل ويسالي مع نبيلة وبنعرفة ما جايش

مفاوضات تشكيل الحكومة. اخنوش غا يبدا اليوم مع نبيل ويسالي مع نبيلة وبنعرفة ما جايش

كود الرباط ///

هاد الصباح غادي يكمل عزيز اخنوش رئيس التجمع الوطني للاحرار ورئيس الحكومة المكلف بتشكيلها مفاوضات تشكيل الحكومة بمقر الحزب بالرباط. بعد نهار الاثنين اللي شاف فيه احزاب كافياه باش يختار منها ويدير اغلبيتو٬ اليوم غادي يكون اجتماع الصواب وصافي.

علاش؟ حقاش غادي يشوف احزاب غالبا ماشية للمعارضة. على الاقل حزب العدالة والتنمية اللي جاب 13 مقعد رفض حتى يجي يشوف اخنوش. قيادي من المصباح قال ل”كود” البارح “ما نحضروش وغاديين نمشيو للمعارضة”. بعدها بنعرفة اعتذر فاتصال مع رئيس الاحرار.

اللقاءات اليوم غادية تبدا مع نبيل بنعبد الله امين عام التقدم والاشتراكية. كان خاصو يتلاقى بيه الاثنين على حساب رتبة الحزب =22 مقعد فمجلس النواب= ولكن اتصل اخنوش بيه وما شدو حتى بعد ما قاد اللقاءات ديالو.

البي بي اس غالبا غادي للمعارضة. بعد ذلك غادي يتلاقى مع شي احزاب صغيرة وغادي يسالي لقاءاتو مع نبيلة منيب عن الحزب الاشتركي الموحد. طبعا عندها غير جوج مقاعد وعلنات غادية تمشي للمعارضة. اللقاء فرصة غير يتلاقاها ويعرفها وتعرفو وصافي

موضوعات أخرى

27/09/2021 21:30

توقع. أمزازي غادي يبقا وزير للتربية الوطنية واحتمال يجمد العضوية ديالو فـ الحركة الشعبية.. والعنصر لـ”كَود”: إيلا بغاه سيدنا ماعندنا مانقولو