كود سبور//

غاتكون مفاجأة كبيرة ففريق ماميلودي صن داونز الجنوب إفريقي، وهذا الشي قبل ماتش الفريق أمام الرجاء الرياضي الاحد الجاي، برسم الجولة الثالثة من دور مجموعات دروي أبطال أفريقيا.

وحسب المعلومات الواردة من جنوب إفريقيا، فكاينة حركة ماشي عادية داخل ماميلودي صن داونز، والأمر يتعلق بالحسم في مصير المدرب مانكوبا مانگيتي، وكاينة رغبة كبيرة من مسؤولين النادي الجنوب إفريقي بالإقالة ديالو من تدريب الفريق.

ومن المنتظر أن يتخذ ماميلودي صن داونز القرار ديالو بخصوص المدرب مانگوبا مانگيتي خلال الساعات القليلة المقبلة، والمعلومات تشير إلى أن الفريق حدد هوية المدرب الجديد وغايكون من أوروبا.

ويواجه المدرب مانكوبا مانگيتي انتقادات قوية بسبب مستوى ماميلودي صن داونز اللي تراجع بزاف بالمقارنة مع المرحلة اللي كان فيها رولاني موكوينا مدرب ديالو، وبداو مرحلة المجموعات من دوري أبطال أفريقيا ناقصين بتعدل مع مانييما الكونگولي وفلتو من الخسران مع الجيش الملكي.