وكالات//

في الوقت لي بزاف ديال الناس كانو خايفين من الاعتزال ديالها، علنات النجمة العالمية سيلين ديون أنها غادي تطلق جوج ديال الألبومات جداد.

وكشفات ديون أن لي غاد يعاونها هو ولدها والسند الأول ديالها رينيه تشارلز.

وعلى حساب مقالتو لمجلة Télé Star، فالمغنية الكندية غادي تطلق الألبوم الأول  بالإنجليزية في الشهور الأولى ديال عام 2025.

والثاني غادي يكون باللغة الفرنسية وغادي تطلقو في صيف 2025، وغالبا لي كتب ليها الأغاني هو جان جاك غولدمان لي خدام معاها هادي 30 عام.

وكيجي هادي في الوقت لي مزال سيلين ديون كتعاني من مرض متلازمة الشخص المتيبس، وهو مرض نادر كيخليها مكتحكمش في الحركات ديالها.