وكالات //

مات المغني الدومينيكي المعروف روبي بيريز، وعندو 69 عام، بعدما طاح سقف ديال ملهى ليلي ف العاصمة سانتو دومينغو، فحادث خايب تسبّب ف وفاة كثر من 100  شخص، وتصابو فيه أكثر من 160 واحد.

الواقعة وقعات مع الفجر نهار 8 أبريل ف ملهى “غيت سيت”، وكان بيريز كيحيي سهرة قدّام جمهور كبير.

حتى شي عدد من أعضاء الفرقة ديالو ماتو، من بينهم عازف الساكسفون اللي كان حدا جنبُو فوق الخشبة.

وحسب التقارير، بيريز، اللي كيتلقّب بـ”صاحب أعلى صوت ف موسيقى الميرينغي”، مات بعدما بقا محاصر تحت الركام، فواحدة من أخطر الكوارث اللي عرفاتها العاصمة فهاد الفترة الأخيرة.