وكالات //

الموسيقى كانت ديما واحدة من أهم الوسائل باش نوصلو الرسائل ديالنا، خاصة لي كتهم القضايا الإنسانية، وهادشي لي بغا يديرو المغني والملحن الأسترالي جوزيف تواضروس، بخصوص هادشي لي واقع ف غزة.

المغني الأسترالي لي عندو أصول من مصر، علن أنه غادي يدير واحد الحفل اليوم الثلاثاء لـ24 ساعة ماغاديش يوقف فيها، باش يجمع التبرعات لغزة.

الموسيقي والمغني غادي يدير هاد الحفل فواحد المسرح معروف ف سيدني، والهدف ديالو هو أولا يجبد الانتباه ديال الناس على ود هادشي لي واقع ف غزة، والثاني هو يجمع التبرعات للقطاع الفلسطيني.

وايلا نجح هاد الحفل ديالو، لي غادي يبدا مع 11 د الصباح وماغادي يسالي حتى لـ11 الصباح د النهار لي من بعد، يقدر يدخل فموسوعة “غينيتس” ديال الأرقام القياسية.