وكالات//

مقدراتش المغنية الباكستانية المعروفة فبلادها شازيا منظور تتحكم ف الأعصاب ديالها وضربات واحد المقدم تلفزي وكوميدي معروف فبلادهم، على المباشر ووسط البلاطو.

فواحد المشهد دار بوم فالعالم كامل، قال المقدم ديال برنامج “الطلب العام” للمغنية المعروفة أنه غاد يهزها مباشرة بعد البرنامج وغاد يديها لشهر العسل فمونطي كارلو، وهو شي لي عصبها بزاف.

المغنية ديالنا ماعطلاتوش وناضت ليه وشبعاتو ضرب وتصرفيق، وقالت ليه أن هادي سميتها “قلة الحيا”.

وقالت ليه المرة لي فاتت سمحت ليك حيت قلت كتضحك، ولكن هاد المرة ماغاديش ندوزها ليك وهي تسولو “واش هادي هي الطريقة باش كتهضر بيها مع العيالات؟”.