وكالات//

تقاتلات مغنية شابة عندها 22 عام فواحد حادث ديال إطلاق النار اللي وقع بحال “كمين” فمدينة لوس أنجلوس فأمريكا، على حساب البلاغ اللي خرجات به شرطة المدينة.

وتعرّفو على الضحية، اللي هي ماريا دي لا روزا المعروفة فنّياً بـ DELAROSA، وكّتعتبر وحدة من بين ثلاثة ديال الضحايا اللي تصابو فالهجوم اللي وقع مع الفجر نهار السبت 22 نوفمبر فمنطقة نورثريدج.

وحسب ما قالت الشرطة، جاهم نداء مع الفجر على إطلاق للنار قرب زنقة براينت شرق زنقة تامبا، وقالو الشهود باللي جوج ديال الرجال قرّبو من طوموبيل واقفة قبل ما يبداو يطيحو الرصاص عليها. نقلو دي لا روزا للسبيطار، ولكن للأسف توفات بسبب الجروح ديالها.

وذكرت قناة KTLA المحلية بأن الضحيتين الآخرين اللي كانو معاها فالحادث ما زالين فحالة خطيرة، وحتى لدابا ما علنات الشرطة على حتى شي اعتقال، وباقي السبب وراء الهجوم ما معروفش.

وكان آخر ظهور للمغنية فأنستغرام نهار 30 أكتوبر، وكانت كتشير فيه لعمل موسيقي جديد خدامة عليه. وآخر أغنية خرجاتها كانت بعنوان “No Me Llames”  فشهر غشت لي فات.