الرئيسية > آراء > مغرب محمد السادس غادي يولي مرجع فهاد العالم العربي. ماشي ضروري دير انقلاب بحال مصر ولا يضرب الدستور بحال تونس باش تخلص من الاسلاميين: ثقو فالشعب ورجعو اللاور: طبقو التجربة المغربية
09/09/2021 19:00 آراء

مغرب محمد السادس غادي يولي مرجع فهاد العالم العربي. ماشي ضروري دير انقلاب بحال مصر ولا يضرب الدستور بحال تونس باش تخلص من الاسلاميين: ثقو فالشعب ورجعو اللاور: طبقو التجربة المغربية

مغرب محمد السادس غادي يولي مرجع فهاد العالم العربي. ماشي ضروري دير انقلاب بحال مصر ولا يضرب الدستور بحال تونس باش تخلص من الاسلاميين: ثقو فالشعب ورجعو اللاور: طبقو التجربة المغربية

كود هناء ابو علي ///

مغرب محمد السادس خلق الاستثناء. حزب اسلامي اللي هو العدالة والتنمية كان حاكم لمدة 10 سنين خرج من الباب الصغير بزاف للحكومة بعد خسارة مزلزلة غير مسبوقة فانتخابات البارح التشريعية وحتى البلدية. تبرير الخسارة وقراءتها ماشي قصتنا هادي. اليوم كنهدرو على تدبير ذكي من الملك محمد السادس لحقل سياسي فيه الغام كثيرة.

دارت الانتخابات التشريعية والبلدية والجهوية فوقتها. هادي فحد ذاتها راه انتصار. دازت الحملة والانتخابات فظروف وصفوها مراقبين محليين =المجلس الوطني لحقوق الانسان= ودوليين= الجمعية البرلمانية لمجلس أوروبا = هدرو على انتخابات شفافة ونزيهة وحتى ما لاحظوه ما كياثرش على مؤشرات الشفافية. كانت احداث البارح كيف قال وزير الداخلية عبد الوافي لفتيت ولكن ما اثراتش على العملية ككل. حزب العدالة والتنمية الخاسر لكبير فيها هدر على استعمال المال وعلى عدم تسليم محاضر التصويت الخاصة بالمكاتب لممثلي الاحزاب وهو ما كذبو وزير الداخلية.

المهم على العموم كانت انتخابات كيف مولف كينظمها المغرب. ماشي شفافية بحال اوربا وماشي مفروشة كيف كان فالسابق. 
المهم ان رئيس الدولة حرص على تنظيم الانتخابات فوقتها وضمن شخصيا دوز فظروف مزيانة. قيادي من البي جي دي قال ل”كود” لبارح قبل الاعلان على النتائج ان خدمة لفتيت وزير الداخلية كانت مزيانة بزاف. هدر على تحريك قضايا ضد اللي هددو مرشحي حزبو وعلى قرار التصويت بلاكارط ناسيونال ماشي بالفوطوكوبي ديالها. كما حركات النيابة العامة قضايا كثيرة فحوادث متفرقة عاشتها بعض الدوائر. 

كان اشراف مزيان للداخلية وكان تحرك فوقتو للقضاء واكثر من هاد الشي كان صوت المواطن اللي عبر على رغبتو فالتغيير.

بلادنا غادية تولي مرجع. تجربة. ما غادياش تبقى دول تخاف من صنادق الاقتراع. لمغاربة جابو البي جي دي ف2011 و2016 وجراو عليهم ف2021. بلا دم بلا عنف بلا حرب بلا صداع. كلشي بطريقة حضارية. بالديموقراطية. 

هادي قدوة لمصر اللي كان بامكانها دير نفس الشيء مع الاخوان ولكن السيسي فضل الانقلاب العسكري والتدخل الدموي في ميدان رابعة باش يجري على الاخوان المسلمين. كان بامكان تونس دير نفس الشيء باش تجري على ممثل اخر للاسلام السياسي “النهضة” ولكن الرئيس الحالي فضل يضرب الدستور.

من اليوم وبالاستفاذة من التجربة المغربية غادية تولي دول اخرى دير الديموقراطية وتيق فالشعب راه هو قادر يجري على هاد التيار او غيرو بلا ما تدخل الدولة فمتاهات ثمنها غالي بزاف.

المغرب كبر فعينين العالم. المغرب عطى المثال علي تفردو. ما تبعش نصائح الامارات اللي بغات تجري باية وسيلة علي صحاب الاسلام السياسي ولا نصائح قطر الداعمة لهاد التيارات.

دارها محمد السادس بهدوء. بلا ضجيج. لمغاربة صوتو على اللي خدم هادي سنوات وبقى ساكت

موضوعات أخرى

23/09/2021 18:00

واش الشعب طرد العشابة باش يجيو بلاصتهم الشلاهبية ؟ هاد مظاهر ديال التهيميج السياسي راه مالايقاش لمغرب 2021 ! رئيس جماعة مهرب مرشحين ! واحد انتحر ! وحدين مرايشين على منصب ! رئيسة كاتلوز مع الدقايقية احتفالا بالفوز ! هادشي ماكايبشرش بالخير

23/09/2021 16:00

غير غابت العدالة والتنمية الانتخابات رجعات لاجواء التسعينات.. الإختطافات التهديد بالقتل الخيانة الغدر الإنتحار المافيات والبلطجية مضاربين على الجماعات والمناصب.. كاع دوك رموز الفساد القديمة رجعات وأكثر قوة هاد المرة وتبلطجات على خاطرها