كود – كازا ///

قالت مواقع إخبارية أمريكية، أن دورية للأمن العام فولاية تيكساس شدات، مؤخرا، 3 ديال الحراگة (مغربي و 2 موريتانيين) كانو مخبيين فملكية خاصة فشمال مقاطعة مافريك، بعد رحلة طويلة على رجليهم.

وأضافت التقارير ذاتها ، أنه بسباب الجنسيات ديالهم تسلمو لحرس الحدود اللي سلمهم بدوره إلى مكتب التحقيقات الفيدرالي “ف ب آي”، لأن غالبية الحراگة اللي كيتشدو ف المقاطعة من المكسيك وأمريكا اللاتينية. الحراگة غادي يواجهو مبدئيا اتهامات حكومية بالاعتداء على ممتلكات الغير.

وفي يونيو الفايت، اعترضات دورية تابعة لحرس الحدود الأمريكي 6 ديال المغاربة فسانتا تيريزا، قطاع إل باسو. ولم يكشفوا عن معلومات إضافية تتعلق بهويتهم أو أسباب تصنيفهم على أنهم “مهاجرون ذوو اهتمامات خاصة”.