كود – كازا ///

تمكنات عناصر الأمن الإسباني ف سبتة، البارح الاثنين، من إلقاء القبض على مواطن مغربي مقيم بإسبانيا وبحوزته ما يزيد عن 26 كيلوغرام ديال الحشيش كتحمل وسم بابلو إسكوبار بحال المسلسل الشهير ديالو ف منصة “Netflix”.

وحسب جورنال إل فارو دي ثيوتا، جرت عملية اعتقال المعني بالأمر بميناء سبتة بعد تفتيش الطوموبيل ديالو قبل رحلة بحرية إلى ميناء الخزيرات. الطوموبيل من طراز أوبل، عندها ماتريكيل صبليوني.

الكمية بالتحديد كتوزن 26 كيلو و350 غرام وكانت مقسمة على كميات صغيرة ومخبيها مولاها مزيان داخل طوموبيلتو. المتهم كيبلغ من العمر 40 عام وعندو تصريح عمل وإقامة في إسبانيا.