كود – كازا ///

شدات قوات الأمن التركي شخص كيحمل الجنسية المغربية بتهمة استفزاز المواطنين بشكل علني والترويج لخطاب الكراهية، في انتظار قرار نهائي بترحيله من تركيا إلى بلده الأًصلي، على حساب ما نشرات صحيفة “حريت ديلي نيوز”.

المغربي دخل لسوبر ماركت وطلب من المكلفة بـ لاكيص باش تلبس الحجاب. وقال ليها وكلشي كيسمع “كتبيعو الكحول والسجائر في هذا السوبر ماركت. عادة ما خاصش شعرك يبان. راه معصية”. واحد من الحضور سجل الواقعة ونشرها ف مواقع التواصل الاجتماعي.

المستخدمة جاوباتو: هاذي راه جمهورية تركيا وماشي شغلك، بينما رد عليه شخص آخر: كنعيشو ف بلد ديمقراطي. البوليس تعرفو على الهوية ديالو بعد انتشار الفيديو ولقاو أنه سبق ليه وجه نفس الملاحظات لمستخدمة أخرى.

https://www.hurriyetdailynews.com/moroccan-telling-cashier-to-wear-headscarf-to-be-deported-179533