أيوب الطنطاوي-كود//​

مات مهاجر مغربي فحادثة شغل خايبة بزاف وسط معمل بنواحي طورينو.

وحسب مواقع إخبارية محلية إيطالية ، فالضحية المدعو “صلاح السحماني ” والي كيبلغ من العمر 50 عام، لقاوه زملائو جثة هامدة وسط معمل “Rg Polietilene” فبلدة “سلاسّا”، بعدما تدهس تحت مواد بلاستيكية وزنها حوالي 800 كلغ طاحت عليه.

الهالك الي كان خدام عامل نظافة فنفس المصنع  وساكن فبلدة “Favria ” ، خلف زوجة ووجو ولاد لكبير فيهم عندو 18 سنة.

وعلى إثر الحادث المأساوي ، باشرات فرق تقنية تابعة للمصالح الصحية والأمنية ، التحقيقات ديالها للكشف عن حيثيات وقوع الحادثة في ظروف غامضة دون وجود شهود عيان.