نجوى المالحي-كود//

خلق شاب مغربي سميتو يحيى الاستثناء في فرنسا بعدما حصل على 20.42 في نقطة الباكالوريا هاد العام، وولا صاحب أعلى نقطة في فرنسا.

المغربي عندو الجنسية الطاليانية، وجا لفرانسا هادي 3 سنين فقط، وقدر يتأقلم مع الحياة الجديدة في “ليل” شمال البلاد  بدون أي مشكل.

يحيى جاب 19 في الرياضيات ، و20 في علوم الحياة والارض ، و20 في الفيزياء، و 20 فاللغة الإيطالية واللغة الإنجليزية واللاتينية ، و 19 في الرياضة، و 17 في الفلسفة. السيد عبقري.

الاستثنائي فهاد الشاب المغربي أنه ماكانش كيفهم الفرنسية وكان كيحشم يخبر الاساتذة أنه مفاهم والو من داكشي لي كيقولو. لكن بإرادة شخصية وقوية بقا كيسمع وكيقرا، وها النتيجة بينات كلشي.

يحيى قال في روبورتاج دارتو معاه القناة الفرنسية “france 3” انه باغي يولي باحث بحال عمو.