الرئيسية > تبركيك > مغربي دار عمل “بطولي” ونقذ بوليسية من الاعتداء فبلجيكا
18/01/2021 13:00 تبركيك

مغربي دار عمل “بطولي” ونقذ بوليسية من الاعتداء فبلجيكا

مغربي دار عمل “بطولي” ونقذ بوليسية من الاعتداء فبلجيكا

كود كازا//

كشفات وسائل الإعلام البلجيكية على تدخل “بطولي” قام بيه شاب مغربي مقيم فبروكسيل باش ينقذ بوليسية فيدرالية من شباب فالاحتجاجات اللي عرفاتها العاصمة.

وحسب وسائل الإعلام نفسها، فالشاب المغربي نقذ البوليسية بعدما حاصروها محتجين وعايروها وضربوها.

وكانت البوليسية الفيدرالية مع الزملاء ديالها كتحاصر وقفة احتجاجية بالعاصمة بروكسيل، قبل ما يضربوها ويعايروها، حتى سمعات صوت شاب طلب منهوم باش يحبسو، كيف قالت هي.

البوليسية اللي فعمرها 37 عام، قالت لوسائل الإعلام: “مانقدرس ننسى نظرات المعتدين، اللي كانت عامرة بالكراهية، خديت كثر من 30 ركلة، قبل ما يتدخل الشاب المغربي وينقذني منهم”.

وزادت البوليسية: “ولينا اليوم فخطر، بزاف مننا خرجو من هذ الخدمة ومشا يخدم فقطاع الحراسة الخاصة، واللي كيتسناو ياخدو التقاعد مابقاوش مسوقين لشنو واقع،  هذ الخدمة ولات صعيبة فبلجيكا”.

موضوعات أخرى