كود – كازا ///

قالت مواقع محلية بمدينة إشبيلية، أن مواطن مغربي مات مقتول، ف الساعات اللولى من صباح السبت، بسباب الإصابات الخطيرة اللي تعرض ليها بعد ما تصاب ب 3 ديال القرطاسات ف شارع ليبرتاد بحي بالميتي، كما تصابو 2 آخرين بجروح خطيرة ف الواقعة اللي دارت استنفار وسط الشرطة الوطنية.

وأضاف المصدر ذاته، أن البوليس شاكين ف الدافع ديال تصفية الحسابات ورا الجريمة، حيث تقوم الشرطة الوطنية بالبحث عن مرتكب الجريمة أو الجناة، اللي هربو ف نفس الطوموبيل اللي ضربو منها القرطاس على الضحايا اللي تنقلو لصبيطار فيرجن ديل روسيو..