كود – كازا ///

مغربي عايش فـ فرنسا ما عندو زهر. تصادف الوجود ديالو مع حادثة إطلاق النار فـ باريس. “لوموند” الفرنسية قالت إن القاضي المكلف بالتحقيق فـ الأحداث، أمر بترحيله من فرنسا بسبب إقامته غير القانونية.

وأضافت الجريدة ذاتها، أن البوليس ديال باريس احتاجز المغربي، تزامنا مع الأحداث اللي خلفات مقتل 3 أشخاص وإصابة 3 آخرين بجروح، عندما أطلق مسلح النار عليهم، في وسط باريس.

المغربي تعرض للهجوم من طرف المعتدي وفضل باش يدافع على راسو وهو ما اعتبرته السلطات الفرنسية مشاركة فـ عنف متعمد بسلاح. ضحايا أكراد آخرين حتا هما دارو شرع يديهم باش يدافعو على راسهم، لكن الأمن الفرنسي اعتقلهم وناض الصداع وقدام القضاء تم اعتبارهم شهود صافي. هادي حالة “الدفاع الشرعي” على النفس.