كريم الصوفي – كود//

[email protected]

قال موقع “أوكي دياريو”، أن مغربي تسبب فإعلان حالة التأهب ضد الإرهاب من المستوى 4 فـ لوگرونيو بإسبانيا. وحسب الموقع توجه ها المغربي فـ 6 يوليوز الجاري إلى مركز الشرطة وبدا كيغوث وهاز فيدو قرعة فيها لترو ونص ديال الليصانص ورش بيها بوليسي وهرب.

وحسب الموقع ذاته، خلفات الواقعة استنفار وسط البوليس، اللي بداو تحرياتهم باش يتعقبو المعني بالأمر. وفاليوم الموالي تلقاو مكالمة عن شخص بنفس الأوصاف كيتسارى وغير وقفو عليه البوليس، جبد قرعة ديال البلاستيك فيها 2 ليترو ديال مادة صفراء اللون، تبين من بعد أنها ليصانص وحاول يرش بوليسي ويجبد بريكة من جيبو.. وتم القبض عليه بتهمة مهاجمة موظفين تابعين للسلطة.