أسماء غربي ـ كود//

مغربية كتبيع المسمن فمراكش دايرة البوز فمواقع التواصل الاجتماعي. المعنية بالأمر كانت محط إعجاب كبير فالعالم الافتراضي، بعدما بانت ففيديو كتهضر بالإنجليزية مع سائح برتغالي، ولي حرص على توثيق هاد المحادثة.

وظهرت بائعة المسمن، لطيفة نجوي، فالفيديو كتسول السائح بالإنجليزية حول مواصفات المسمنة لي بغا، وما إذا كان باغي ياكلها بطعم حار، قبل ما تستفسره عن المكونات لي ديرة فيها.

وإثر انتشار هاد الفيديو، دارت عدة مقابلات صحافية مع لطيفة، ولي كالت فيها أنها كتهضر الفرنسية بشكل أفضل، غير أنها كتواصل بلانكلي فحدود ما يتيحه العمل، وعندها أيضا، شوية مع اللغة الإسبانية. وهو ما زاد الإعجاب أكثر بهاد المرأة المكافحة.