كود – كازا ///

أوقفت مصالح الشرطة الوطنية الإسبانية، مؤخرا، 4 ديال الأشخاص بسبب علاقتهم بجريمة ديال الاتجار ف البشر، من خلال محاولة استغلال شابة مغربية كتبلغ من العمر 21 عام واستعبادها جنسيا ثم بيعها لمالك ملهى ليلي كيبلغ من العمر 79 عاما فيط غرناطة.

وحسب جورنالات صبليونية، تم اعتقال 2 عيالات و 2 رجال بتهم (الاتجار بالبشر والتزوير والهجرة غير الشرعية والعضوية في منظمة إجرامية). وتبين أن الشيباني كانت عندو علاقة بأخت الضحية اللي اقتارحات على أختها باش تخدم عبدة جنسية عندو فمقابل مساعدتها ف تقنين إقامتها ف إسبانيا.

ووفقا للمعلومات الواردة، حاولو المتهمين باش ينفذو مخططهم من خلال ترتيب زواج ابيض بين مستخدم ف البواط ديال الشيباني والضحية باش تبدا تقاد وريقات الإقامة ديالها ف الصبليون، لكن إدارة الهجرة شكات وبدات الاونكيط اللي فرشات تفاصيل الجريمة وتدخل البوليس باش يطيح المتورطين بعد تحديد الهويات ديالهم.