كود – abc7chicago//

قالت  تقارير إعلامية بلي السلطات الأمريكية رحّلات شابة مغربية اسمها فرح للكاميرون لي سانية اتفاقية الترحيل  باش تستقبل المريفوليين من دول اخرى ، الشابة  فر  كان عندها  “أمر حماية” من قاضي هجرة كيمنع ترحيلها للمغرب بسبب خطر على حياتها بسباب التهديدات العائلية على مكتقول بسباب توجهها الجنسي ، ولكن القانون فيه ثغرة كيخلي إمكانية الترحيل لبلد آخر موافق يستقبلها.

فرح لي عندها 21 عام كتقول بلي اكتاشفات عائلتها ميولها الجنسي وتعرضات للعنف والطرد من الدار، و هربات مع صاحبتها ومشاو للبرازيل ومن تما دازو من ستة الدول حتى وصلو للمريكان فـ2025 وطلبو اللجوء ، طلب فرح ترفض ولكن القاضي عطاها حماية من الترحيل للمغرب ،وخا  هاد الشي بقات معتقلة تقريبا عام فمراكز احتجاز فأريزونا ولويزيانا، قبل ما يرحلوها الكاميرون .

الترحيل كان قبل جلسة كانت غادي دار باش يشوفو ياكما يطلقوها  حتى داوها مكبلة  الطيارة غاديا الكاميرون  ،هاد النوع ديال الترحيل كيعتمد على اتفاقيات بين أمريكا وبعض الدول الإفريقية اللي كتستقبل تستقبل مريفزليين مقابل تعويضات مالية، والهدف هو تنقص الضغط على سونطرات الاحتجاز  وينقصو من الحراگة .

ملي وصلات للكاميرون فرح تحطات فمركز احتجاز فيياوندي مع مرحّلين آخرين، وخيروها  بين تبقى تما ولا ترجع للمغرب. هي اختارت ترجع حيث قالت ما قادراش تبقى فبلاد آخرى وتحس براسها مهددة ،دابا فرح كاينة فالمغرب وكتعيش مخبية على مكتقول باش ما يتعاودش ليها نفس الخطر اللي قالت إنها هربات منو.

https://abc7chicago.com/post/us-immigration-news-donald-trump-administration-deports-gay-woman-fled-morocco-cameroon-where-homosexuality-is-illegal/18634877/