وكالات//

كانت الرحلة ديال واحد المغامر مشهور غا تسالي بطريقة كارثية، وغادي يتحول لواحد الوجبة دسمة لواحد الدب قدو قد السخط.

هاد اليوتوبر الصربي لي سميتو ستيفان يانكوفيتش دخل لواحد الغار، وصور المغامرة ديالو، لي معروف بيها هو، وشوية هو يتصدم بواحد الحاجة لي مكنش دايرها في بالو.

في الوقت لي بغا يخرج من الغار، حاصرو واحد الدب كبير بزاف، وكان باغي ياكلو، ولكن المغامر فلت منو بمعجزة.

وكيبان في الفيديو اللحظة لي دخل فيها الدب وبدا كيشم فيها راس هاد المغامر والتيليفون ديالو، بحال إيلا بغا ياكلو، قبل مايخرج بحالو.