وكالات//

مات واحد المغامر بريطاني بطريقة خايبة باف، بعدما كان باغي ينقز بالباراشيد من واحد البرج مشهور سميتو باتايا كاين فالتايلاند.

على حساب مقال الجورنال ديال “ديلي ميل” البريطاني، فهاد المغامر لي سميتو إد هاريسون نقز من الطاج 29 من هاد البرج، بطريقة غير قانونية.

وقالت كذلك، أن الخطأ الكارثي لي وقع لهاريسون هي أن البارشيد ماتحلاتش ليه وطاح على الأرض من داك الارتفاع العالي بزاف.

وبان هاريسون فواحد الفيديو نتاشر بزاف على السوشل ميديا وهو كيستاعد ينقز، وهي التنقيزة الأخيرة ليه فحياتو.

البوليس ديال التايلاند قالو أن الحادثة وقعات مع7 ونص ديال العشية، وواحد الحارس سمع صوت غير طبيعي قبل مايلقى بنادم ميت طايح.