كود – كازا ///

قالت تقارير إعلامية، أن مطايفة كبيرة وسط شارع معروف ف پالنسيا بإسبانيا ناضت بين 3 ديال المغاربة وجزائريين، الخميس الفايت، على هوتة ديال لي طروتينيط ديال الضو، مما أدى ف الأخير إلى تدخل البوليس واعتقال المتهمين الستة، حسب ما نشرته وكالة أوروبا بريس الإخبارية..

وحسب المصادر ذاتها، تبادل الطرفان الرشق بالحجارة والضرب بالعصي ديال العود القضبان ديال الحديد، وسالات المطايفة بإصابة ضحية بجرح ف راسو بسباب أداة  غير حادة، وتسبات الواقعة فحالة من الذعر بين سكان الحي والشيفورات ديال الطوموبيلات. وكتراوح أعمار الموقوفين بين 22 و31 سنة.