كود – كازا ///

قالت تقارير إعلامية، إن الشرطة الإسبانية في أليكانتي شدات، مؤخرا، العديد من الآباء المغاربة والجزائريين اللي حصلو متورطين في التخلي عن أطفالهم القاصرين حدا مراكز استقبال الأحداث والكوميساريات والثكنات ديال الحرس المدني في مقاطعة أليكانتي، باش الدولة الإسبانية تكلف بالرعاية ديالهم بشكل قانوني.

وأضافت التقارير ذاتها، أن الشرطة الوطنية الإسبانية رصدات منذ عدة أشهر حالات ديال العديد من القاصرين اللي تم التخلي عنهم من طرف والديهم المغاربة والجزائريين، حيث تم اعتقال ثمانية ديال الأشخاص يشتبه تورطهم في التخلي عن قاصرين، حسب ما أوردته جريدة إنفورماثيون.

وفي أكتوبر، تم اعتقال 5 ديال الأشخاص بسباب نفس التهمة، خاصة بعد وصول 15 قاصر أجنبي غير مصحوبين بذويهم إلى المدينة، وتم فتح تحقيق كشف أن هاد العمليات تتم عمدا، كما في الحالة ديال قاصر مغربي وصل إلى أليكانتي بعد رحلة جوية من المغرب إلى باريس، ومنها تم نقله بالطوموبيل إلى منزل خوه الكبير اللي گلس عندو شوية ومشى حطو قدام مركز شرطة وبعد اعتراف القاصر شدو خوه..