گود سبور//

طالب عدد من الجماهير المغربية، اللجنة المحلية المنظمة لكاس إفريقيا “المغرب2025″، بالإبقاء على المشجع الكونگولي المعروف بلومومبا فالمغرب حتى تسالي البطولة.

ووجهت هذه الجماهير المغربية نداءات عبر مواقع التواصل الاجتماعي إلى المسؤولين المغاربة المنظمين لكاس إفريقيا، باش يعيطو لمشجع الكونگولي لومومبا فرصة حضور ماتشات كاس إفريقيا الجايين، خصوصا ديال المنتخب الوطني المغربي، حيث عطى واحد لمسة خاصة فـ هاد النسخة من البطولة ملي كان كايحضر ماتشات منتخب بلادو الكونگو الديمقراطية، وكايبقى واقف فـ التيران رافع يديه لـ90 دقيقة او اكثر.

وتعاطفت الجماهير المغربية مع المشجع الكونگولي لومومبا بزاف، خصوصا بعدما عبر على الحب ديالو للمغرب وللمغاربة فـ حوار كان دارو مع جورنال “گود” قبل أيام، ودابا كايطالبو من المسؤولين المغاربة التدخل ويعطيوه فرصة باش يبقى فـ الماتشات الجايين ديال كاس اإفريقيا، ويشجع معهم المنتخب الوطني المغربي.