الرئيسية > كود سبور > مغاربة حولو فرحة الرباح إلى فوضى فالتيران بعد نهاية ماتش المغرب والشيلي – فيديو
24/09/2022 12:00 كود سبور

مغاربة حولو فرحة الرباح إلى فوضى فالتيران بعد نهاية ماتش المغرب والشيلي – فيديو

مغاربة حولو فرحة الرباح إلى فوضى فالتيران بعد نهاية ماتش المغرب والشيلي – فيديو

كود سبور//

تحولات أرضية ملعب كورنيا اللي احتضن المباراة الودية ديال المنتخب الوطني المغربي والشيلي، بعد نهاية الماتش ما بين المنتخبين مساء يوم الجمعة فمدينة برشلونة الاسبانية إلى ساحة فوضى.

وتفاجأ اللاعبون ديالو المنتخب الوطني المغربي ومنتخب الشيلي والحكام والمنظمين ديال الماتش مع صافرة نهاية اللقاء بأمواج ديال البشر وهي كتجتاح أرضية الملعب كورنيا اللي كانت فيه حوالي 30 ألف ديال البشر حاضرة لمتابعة المباراة، فواحد المشهد لا يليق بالمغاربة وكيشوه صورة الكرة المغربية والجمهور المغربي فالخارج.

المشجعين ديال ليكيب ناسيونال اللي كانوا حاضرين فالملعب واللي اغلبهم من الجالية المغربية المقيمة فاسبانيا، كانت النية ديالهم يلتقطو صور مع اللاعبين ديال المنتخب المغربي ويشاركو معهم فرحة الانتصار على الشيلي ،لكن حولو الفرحة إلى فوضى عندما نزلو للتيران وخلاو العالم يتفرج ويباطاجي فيديوهات وصورة هاذ الحالة.

الماتش اللي انتهى لمصلحة ليكيب ناسيونال سبق وتوقف مرتين بسبب اقتحام بعض المشجعين للمنتخب أرض ملعب كورنيا فالجولة الثانية من أجل التقاط صور مع اللعابا، مع العلم أن بعض المحسوبين على أنصار المنتخب المغربي رماو فواحد اللحظة لقراعي على احد اللاعبين ديال الشيلي، قبل ما يتدخل الكابيتان ديال المنتخب الوطني غانم سايس وأشرف حكيمي ويطلبو منهم يتوقفو على  ذلك.

حادث اجتياح الجمهور المغربي يوم أمس لملعب كورنيا الخاص بفريق إسبانيول برشلونة خلف عدد كبير من ردود الأفعال ديال المغاربة على مواقع التواصل الاجتماعي، واللي ماتقبلوش الفوضى اللي وقعت

موضوعات أخرى

04/12/2022 18:12

معهد الشرق الأوسط الأمريكي كيحذر من تداعيات التوتر المتزايد بين المغرب والجزائر واحتمال تطور الأمور  إلى مناوشات عسكرية

04/12/2022 17:20

وشوفو لي كنتساينوهم يكونو نموذج فاحترام القانون.. سيارة ديال البرلمان مركونة فوق الطروطوار وسادة الطريق كدام وزارة العدل (صورة)

04/12/2022 14:32

روح “العائلة” الودادية كتحلق بالأسود لصناعة التاريخ فمونديال قطر. بيها شفنا إنجاز 86 كيتعاود وسرها كلشي مقتنع غادي يمشي بعيد بمجموعة الركراكي فهاد الحدث العالمي