الرئيسية > آش واقع > مغاربة حاصلين 20 يوم فتركيا: مافيناش “كورونا” وكنطالبو المغرب يرجعنا كيف دارت دول أخرى مع مواطنييها
05/04/2020 19:30 آش واقع

مغاربة حاصلين 20 يوم فتركيا: مافيناش “كورونا” وكنطالبو المغرب يرجعنا كيف دارت دول أخرى مع مواطنييها

مغاربة حاصلين 20 يوم فتركيا: مافيناش “كورونا” وكنطالبو المغرب يرجعنا كيف دارت دول أخرى مع مواطنييها

عفراء علوي محمدي- كود//

وجهو مغاربة حاصلين فالعاصمة التركية إسطنبول رسالة إلى رئيس الحكومة سعد الدين العثماني، كيطلبوه فيها يشوف ليهم شي حل باش يرجعو، من بعد ما بقاو حاصلين تماك كثر من 20 يوم بسبب قرار إلغاء الرحلات فالمغرب.

وقالو المغاربة، فالرسالة اللي توصلات “كود” بنسخة منها، أنهم مقطعين البيي باش يرجعو، وبللي حتى واحد ما مصاب بفيروس “كورونا” المستجد فيهم، وعلى هذشي كيطلبوه باش يرجعهم للمغرب، كيفما دارت دول كثيرة عبر العالم.

وفالوقت اللي شكرو فيه المغاربة اللي حصلو فتركيا الإجراءات اللي واضعاها قنصلية مغربي فاسطنبول باش تخصص ليهم فندق للمبيت، لكنهم تأسفو للصمت الحكومي المغربي بشانهم، خصوصا وأنهم خايفين كل يوم يتصابو بالفيروس بسبب الظروف غير الصحية اللي كيعيشوها، ومعاهم عيالات حاملات وناس مراض.

وقالو بللي تم تخصيص فندق للمبيت ديالهم كيضم 500 شخص، وهذشي كيشكل تهديد على سلامتهم الصحية والنفسية، وكيتنافى مع توصيات منظمة الصحة العالمية ديال الوقاية.

وحاولات تتصل “كود” بسفارة المغرب فأنقرة وكذلك القنصلية المغربية فاسطنبول، لكن حتى شي حد ما كيجاوب.

موضوعات أخرى

03/06/2020 16:00

أقريو كتتاهم سيناريست “شهادة ميلاد” بسرقة قصة “ياقوت وعنبر”.. ومدير شركة “ديسكونيكتد” لـ”كود”: حطينا شكاية لبارح فالمركز السينمائي وفالغالب السيناريست دالمسلسل ماكاينش أصلا